пятница, 26 мая 2017 г.

Медводдза тшупӧд

     Талун Максим пиӧй вуджис олӧмас медводдза тшупӧд - помаліс начальнӧй школа. Велӧдчим ми Удораысь петӧм енбиа ань дорын. Надежда Валерьевна пуктіс став вынсӧ, мед быдтыны шань да вежӧра ныв-зонмӧс. Муӧдз копыр сылы таысь да кывбур 4-ӧд класс помалысьяс нимсянь:
***
Миянкӧд юкинныд вояс да часъяс,
Шогсинныд-радлінныд ӧтвылысь пыр.
Нюмъялігтырйи век пыринныд классӧ,
Дурӧмъяс вылӧ эн скӧралӧй дыр.

Тшӧктінныд ӧтсӧглас овны да вывны,
Сиинныд ёртасьны, мый кӧть эз ло.
Некор ог вунӧдӧй, зонъяс да нывъяс,
Тіянкӧд коллялӧм шуда нёль во.

Комментариев нет:

Отправить комментарий