Радейта лыддьыны сӧмын кабала небӧгъяс. Кывкудъяс серти тадз жӧ. Зэв бур, мый электрон кывчукӧръяс ӧні позьӧ аддзыны ӧтуввезйысь, мытшӧгтӧг корсьны колана кыв - вуджӧдӧмъяс рочысь комиӧ либӧ мӧдарӧ. Но век жӧ кыскӧ небӧгыс. Ичӧтик кывкудйыс вексянь нин вӧлі, но сэні абу став кывйыс пыртӧма. А ыджыд-ыджыд "кирпичьястӧ" ас кадӧ эг вермы судзӧдны. Шыӧдчи ёртъяс дорӧ, гашкӧ, кодкӧ вермас отсыштны - аддзӧдны ме вылӧ "Коми-роч кывчукӧр" да "Русско-коми словарь". И мый? Аддзысисны ӧд бур йӧз! Козьналісны небӧгъяссӧ! АТТЬӦ!!! Нимкодяся ӧніӧдз. Инӧ, уджавны ковмас. Оз ӧд прӧста кутны куйлыны!
10-ӧд классын ме вуджи "вескя" школаысь гимназияӧ, физматклассӧ. "Ёнмӧдӧм" математикаысь да физикаысь кындзи, сэнi вӧлi зэв сьӧкыд англияса кыв. Ковмис лыддьыны ыджыд текстъяс (20 листбок кымын), сэнi вӧлi уна тӧдтӧм кыв. Сэки (1998-2000 воын) вӧлi ӧтуввезтӧг. Вӧдитчи кабала кывкудйӧн. Вуджӧдан-вуджӧдан вой джын чӧж (колiс ӧд и уна мукӧд урок вӧчны), а урокын колӧ висьтавны, мый гижӧма... Эг вермы.
ОтветитьУдалитьСо и тӧда сӧмын "векся" школаса англияса кыв да "профессиональнӧй" математика англияса кыв.