пятница, 14 октября 2016 г.

Садйӧ... медводдзаысь...

     Кадыд ӧдйӧ коли, эг и тӧдлы, Мишукӧс нин детсадйӧ корисны. Талун медводдзаысь ветлім час кежлӧ. Сьӧлӧм вылын кыпыд - ичӧт пиук вӧчис ыджыд воськов.
     Мунім садъяд, бураа пырис челядьыд дорӧ, уна чача син водзас аддзис да. А петны куті, кыла, рук-рук бӧрддзис дзӧлюкӧй. Кык час кежлӧ корисны эськӧ, но час мысти кагульничаыд звӧнитчыны кутіс, локтӧй пӧ, босьтӧй кагукнытӧ, оз пӧ бурась некыдз.
     Бӧрдӧма Мишук забеднӧйысла, мамыс кольӧма тӧдтӧм йӧз дорӧ да. Кык лун сэсся тшӧктісны шойччыны, а выльлунсянь бара корисны. Дерт, уна на бӧрдӧм сюрас ичӧт мортлы, век ӧд мам бӧж улын котраліс. Но ставӧн тай та пыр мунӧны. Велалас садъяд да, ёна на гажа аслыс лоас, радейттӧ челядьтӧ, ворснытӧ радейтӧ и.
     А кыдзи Мишук вочааліс менӧ, некор ог вунӧд. Бӧрдӧм шытӧ ылысянь кылі. Пыри группаад, а сійӧ ки паськӧдӧмӧн ме дінӧ котӧртӧ да горзӧ "ма-ма". Муртса аслам синваӧй эз пет. Ачымӧс ичӧтӧн казьтышті. Мам висьтавліс, кор пӧ роддомӧ вокыдла ветлі, эн вӧв кока. Вои пӧ да, порог дорас сувті, а тэ пӧ кузяла кокӧн ме дінӧдз котӧртін бӧрдігтырйи "мам" горзӧмӧн. Ачым пӧ тшӧтш рук-рук бӧрддзи...
     Абу тай пиукӧй мамсьыс ылӧ мунӧма))

Комментариев нет:

Отправить комментарий